دور على الثورة الجديدة

استعرض الموضوع السابق استعرض الموضوع التالي اذهب الى الأسفل

دور على الثورة الجديدة

مُساهمة من طرف عبدالماجد في الجمعة 27 فبراير - 9:37:15

فى الشارع الواسع يضيق فينا الوسع
فى الشارع الواسع حلم الصبى
فى الشارع يفيض موج الدمى
وحصار وقبضة محكمة

والنار دخانها للسما تحرق عمامتك يانبى

الارض طاهرة نور ولادها يرتعش قبل المغيب
شمسك يا امى ساكنه فى خوف وكسوف

يامغمى فيها عينك نور ضميرك مش تشوف

سامع باساطيل الحرس فوق الرماد
شايف تعابير الجثث قبل الحداد

شكلك حزينه يابلاد الجوع
بعد ماقولنا خلاص ليه الرجوع
شكلك موافقة عالخضوع
فى الشارع الواسع يضيق فينا الوسع
والجنة تجمع فى رحابها اللى فى ارضك مااتجمع

لو تنحنى لحظة ترا ممكن تطول
يا ما ترتضيش نصف الحلول

هو اللى يقمع رغبتك مش يبقى سيس

هو اللى يوقف هبتك راجل خسيس

عمرك سمعت ان العساكر تعزل تعين رئيس
عمرك سمعت ان الوسائل كلها فى ايد البوليس
عمرك تخيلت فى زمانك ان خالفت هتتحرق
وان جيت فى ثورة مش على مزاج العساكر تتسرق


وحدك على درب الوفا
يابلادى ليه غاوية الجفا
ماعادتش ناسك طيبة ماعادتش ناسك منصفة
واهو كل شئ فيكى يامصر بيتسرق حتى الصفة


يازهرة الميدان رموكى تحت كل مدرعة
لقيوكى طالعة فى كل ميدان فى بلادى مفرعة

ايه اللى شايفه ياشهيد الليلة ليلتك
ايه اللى شاغلك عن حبايبك الليله عرسك

هو ده سبب ابتسامتك

يا ام دنيانا زهورك هللى
احلى زهور
والنور بيطلع للسما من بعد نور

والريحة ماليا كل حتة فيكى من مسك وبخور
والاف بتستنى بطابور
اما جنان واسعه وحور
او لما حكم الندل يغور

حالف اشيل عمرى عشان عمرك يزيد
عارف بإن الارض عطشانه ويرويها الوريد

ماشى على درب الاله والاه تودينا لاه

اهو واللى مش هتشوفوا عينى هنا ياأمى تشوفوا فى سابع سماه

يامصر من رحمك ولادة
رغم المجازر والابادة
رغم المحارق فى المساجد والمعابد والمشافى والعيادة
رغم اللى تاج راسه البيادة
رغم الرتب
رغم النخب
رغم العدو
رغم الخيانه من العرب

هو احنا هنا على الجميع
هو الربيع بطل ربيع
ولا احنا محسوبين قطط
ولا احنا فينا من العبط ان احنا مش فاهمين كفاية ان الصحيح فى الوقت ده هو الغلط

احذر تبايع اى حد هتندم بجد
بايع ضميرك مش تبيعوه
لملم عيالك مش يضيعوا
جمع اخواك وارمى الشباك

حافظ على الهبه الوليدة دور على الثورة الجديدة
مش بالقناة او بالجريدة
مش بالمقاله والحكاية والمسارح والقصيدة

دور على الثورة الجديدة فى كل قلب شهيد يكبر او شهيدة



كلمات : احمد نافع
avatar
عبدالماجد
Admin

المساهمات : 31
تاريخ التسجيل : 28/05/2014
العمر : 41

معاينة صفحة البيانات الشخصي للعضو http://rngmsa2020.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى